Shqipëria mbylli me sukses aktivitetet e parashikuara në kuadër të Entrepreneurial Discovery Process (EDP) të S3. Gjetjet dhe rekomandimet e këtij procesi do të prezantohen në eventin që do të organizohet më datë 31 Tetor 2023 në Tiranë dhe do të shërbejnë si bazë për draftimin e Strategjisë që do të fillojë në Nëntor 2023 dhe që përfshin edhe përcaktimin e planit të masave dhe indikatorëve për monitorimin. Pikërisht për të mbështetur këtë fazë të draftimit të Strategjisë, për Shqipërinë dhe Kosovën, në datat 22 dhe 23 maj 2023, u zhvillua trajnimi dy ditor “Policy mix and Monitoring for Smart Specialisation”, organizuar sipas metodologjisë së caktuar nga Qendra e Përbashkët Kërkimore e Komisionit Evropian (JRC) ku morën pjesë anëtarët e Ekipit Kombëtar të S3, koordinatorë të institucioneve pjesë e Komitetit Ndërministror të S3, të Shqipërisë dhe kolegët nga Kosova, të cilët u trajnuan nga ekspertët e JRC, për planin e masave dhe monitorimin e S3.
Ky takim u zhvillua nën kujdesin e veçantë të Zëvendëskryeministres, znj. Belinda Balluku me mbështetjen e Qendrës së Përbashkët Kërkimore të Komisionit Evropian (JRC).